Transport nazorati inspeksiyasi matbuot kotibi tayinlandi

Xayriddinov Firdavs Nizomiddinovich – Transport nazorati inspeksiyasi boshlig‘ining matbuot kotibi– axborot siyosati masalalari bo‘yicha maslahatchisi lavozimiga tayinlandi.

F.Xayriddinov 1986-yil Buxoro viloyatida tug‘ilgan. 2010-yilda O‘zbekiston Davlat jahon tillari universiteti Xalqaro jurnalistika fakultetining bakalavr bosqichini, 2012-yilda O‘zbekiston Milliy universiteti Jurnalistika fakultetining magistratura bosqichini tamomlagan.

F.Xayriddinov “O‘zbekiston temir yo‘llari” AJ matbuot xizmati mutaxassisi, “O‘ztemiryo‘lnazorat” inspeksiyasi boshlig‘ining matbuot kotibi– axborot siyosati masalalari bo‘yicha maslahatchisi, “O‘zyo‘linspeksiya” boshlig‘ining matbuot kotibi– axborot siyosati masalalari bo‘yicha maslahatchisi sifatida faoliyat yuritgan.

Lavozimga tayinlov O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi xulosasiga ko‘ra amalga oshirildi.

Axborot xizmati