Stol tennisida kuchlilar aniqlandi

Transport nazorati inspeksiyasi xodimlari o'rtasida stol tennisi bo'yicha o'tkazilgan 1-chempionatda g`olib va sovrindorlar nomi aniqladi. Olimpiya tizimida tashkil etilgan turnir qiziqarli shu bilan birga murosasiz bahslarga boy o‘tdi.

Musobaqaning hal qiluvchi final o‘yinida Dilshod Axunjanov hamda Ma’mur Yadgarov o‘zaro kuch sinashishdi. Turnirning bezagiga aylangan bahsda Dilshod Axunjanovning qo‘li baland keldi va g‘oliblikni qo‘lga kiritdi. Musobaqaning faxrli uchinchi o‘rini Islom Toxirovga nasib etdi.

Barcha g‘olib va sovrindorlar tashkilotchilar tomonidan medal, diplom, kubok va esdalik sovg‘alari bilan taqdirlanishdi. Umuman olganda bellashuvlarda qatnashgan har bir ishtirokchini g‘olib deyishimiz mumkin. Zero bu kabi musobaqalar jamoada birdamlikni mustahkamlash, xodimlar o‘rtasida sog‘lom turmush tarzini targ‘ib etish, ularni bo‘sh vaqtlarini mazmunli tashkil etish va sportni keng ommalashtirishga qaratilganligi bilan ahamiyatlidir. Turnir bu borada o‘z maqsadiga to‘la erishdi deyishimizga asoslar yetarli.

Transport nazorati inspeksiyasi
Axborot xizmati