Rasmiy munosabat

Ijtimoiy tarmoqlarda Andijon - Shahrixon yo‘nalishida harakatlanuvchi "Damas" avtotransport vositalari asossiz yo‘l kira haqini oshirgani yuzasidan Transport nazorati inspeksiyasi Avtomobil va suv transportida nazorati Andijon viloyati hududiy bo‘limi o‘rganib chiqib, quyidagilarni ma’lum qiladi. Mazkur murojaatga asosan yo‘nalishda harakatlanayotgan haydovchilar orasida yo‘l kira haqini oshirmaslik, aholiga sifatli transport xizmatini ko‘rsatish lozimligi yuzasidan profilaktik targ‘ibot-tashviqot ishlari o‘tkazildi. Shuningdek, inspektorlar tomonidan o‘tkazilgan reydlar davomida litsenziyasiz yo‘lovchi tashish faoliyati bilan shug‘ullangan 17 nafar haydovchiga nisbatan belgilangan tartibda ma’muriy bayonnomalar rasmiylashtirildi. Nazorat va profilaktik tadbirlar davom etmoqda.