Buxoroda sayyor qabul o‘tkazildi

Buxoro viloyati Transport boshqarmasida Transport nazorati inspeksiyasi boshlig‘i o‘rinbosari Sanjar Turg‘unov hamda transport sohasida faoliyat yuritayotgan tadbirkorlik subyektlari va mahalliy aholi vakillari bilan sayyor qabul bo‘lib o‘tdi. Dastlab S.Turg‘unov so‘zga chiqib, jismoniy va yuridik shaxslarning murojaatlari Transport nazorati inspeksiyasi vakolati doirasida ko‘rib chiqilib, o‘rnatilgan tartibda hal etilishini bildirdi.

Qabul davomida ishtirokchilardan tushgan savollarga asoslangan javob berildi.

O'rganish talab etiladigan murojaatlar yuzasidan mas’ullarga ko‘rsatma berilib, ijrosi inspeksiya nazoratiga olindi.

Shuningdek, transport sohasiga oid qabul qilingan qonun va qonunosti hujjatlar mazmun-mohiyati yuzasidan batafsil tushuntirish berildi.

Transport nazorati inspeksiyasi
Axborot xizmati