Temir yo`l kesishmalaridan o`tayotganda ehtiyot bo`ling!

Transport nazorati inspeksiyasi Qashqadaryo viloyati temir yo‘l transportida nazorat hududiy bo‘limi inspektotlari tomonidan Ixtisoslashtirilgan ta’lim muassasalari agentligi tizimidagi Qarshi shahar 1-son ixtisoslashtirilgan maktab-internatida o`quv seminari o`tkazildi. “Temir yo‘l transportidan oqilona foydalanamiz” mavzusida tashkil etilgan seminarda o‘quvchilarga temir yo‘l transportida insonlar va avtomobillar bilan sodir bo‘layotgan baxtsiz hodisalar, ularning kelib chiqish sabablari haqida batafsil ma`lumot berildi.

Shuningdek, temir yo‘l atrofida behuda yurmaslik, faqat maxsus belgilangan joylardan o‘tish, temir yo‘l kesishmalaridan o‘tganda sergak bo‘lish lozimligi tushuntirildi.