Темир йўл кесишмаларидан ўтаётганда эҳтиёт бўлинг!

Транспорт назорати инспексияси Қашқадарё вилояти темир йўл транспортида назорат ҳудудий бўлими инспекторлари томонидан Ихтисослаштирилган таълим муассасалари агентлиги тизимидаги Қарши шаҳар 1-сон ихтисослаштирилган мактаб-интернатида ўқув семинари ўтказилди. “Темир йўл транспортидан оқилона фойдаланамиз” мавзусида ташкил этилган семинарда ўқувчиларга темир йўл транспортида инсонлар ва автомобиллар билан содир бўлаётган бахтсиз ҳодисалар, уларнинг келиб чиқиш сабаблари ҳақида батафсил маълумот берилди.

Шунингдек, темир йўл атрофида беҳуда юрмаслик, фақат махсус белгиланган жойлардан ўтиш, темир йўл кесишмаларидан ўтганда сергак бўлиш лозимлиги тушунтирилди.