“Rahbar va yoshlar” uchrashuvi o‘tkazildi

O‘zbekiston Respublikasi Transport vazirligining “Transport sohasidagi tashkilotlar rahbarlari hamda Toshkent davlat transport universiteti talabalari o‘rtasida uchrashuvlar tashkil etish to‘g‘risida” 2023-yil 22-fevraldagi buyrug‘i ijrosini ta’minlash maqsadida mazkur buyruq bilan tasdiqlangan “2023-yilda Toshkent davlat transport universiteti talabalari bilan uchrashuvlar jadvali” asosida joriy yil 4-aprelda “O‘ztemiryo‘lnazorat” inspeksiyasi rahbariyati va universitet talabalari o‘rtasida uchrashuv tashkil etildi.

Tadbirda prezentatsiya materiallaridan foydalangan holda talabalarning inspeksiya va uning asosiy faoliyati haqidagi tasavvurini yanada boyitish, ularni sohada olib borilayotgan ijtimoiy-iqtisodiy, texnik-texnologik islohotlar bilan tanishtirish masalalariga alohida e’tibor qaratildi, talabalar tomonidan berilgan savollarga asosli javoblar berildi.

Tadbir doirasida Toshkent davlat transport universiteti iqtisodiyot fakulteti bitiruvchi kurs talabasi Ashirov Ma’ruf Sharif o‘g‘li  “Yosh mutaxassislarni tanlash” dasturi asosida inspeksiyada amaliyot o‘tash davrida ko‘rsatayotgan kasbiy faoliyatga bo‘lgan mas’uliyati, tashabbuskorligi hamda jamoat va yoshlar bilan bog‘liq masalalardagi faolligi uchun “O‘ztemiryo‘lnazorat” inspeksiyasining tashakkurnomasi bilan taqdirlandi.

 “O‘ztemiryo‘lnazorat” inspeksiyasi
Axborot xizmati