Yangi O‘zbekistonda el aziz, inson aziz!

O‘zbekiston Respublikasi Mustaqilligining 31 yilligi munosabati bilan mamlakatimizning har bir go‘shasida, vazirlik va idoralarda turli madaniy-ma’rifiy tadbirlar davom etmoqda. Bayram “O‘ztemiryo‘lnazorat” inspeksiyasida ham o‘zgacha kayfiyatda kutib olindi. Dastlab inspeksiya boshlig‘i D.Axmedov so‘zga chiqib, barcha xodimlarni samimiy tabriklab, ularning ish va shaxsiy hayotida ulkan zafarlar va omad tiladi.

O‘z insoniy burchi,  fuqarolik mas’uliyati, lavozim majburiyatlari mohiyatini chuqur anglab, el-yurt manfaati yo‘lida fidokorona mehnat qilayotgan, muhim natijalarni qo‘lga kiritayotgan, jamoa hurmat-e’tirofiga sazovor bo‘layotgan, hamkasblariga, ayniqsa, yoshlarga o‘rnak bo‘layotgan faol xodimlar inspeksiya boshlig‘i tomonidan Faxriy yorliq bilan taqdirlanishdi.                       

Shuningdek, xodimlarni ijtimoiy tomondan qo‘llab quvvatlash maqsadida bir guruh xodimlar Inspeksiya kasaba uyushmasi qo‘mitasi tomonidan moddiy rag‘batlantirildi.

Bayram munosabati bilan e’tirofga sazovor bo‘lganlar, o‘z minnatdorchiliklarini bildirib, ko‘rsatilgan e’tibor ularning kelajakdagi ishlarida qo‘shimcha kuch bag‘ishlashi va samaradorlikni oshirishini ta’kidlashdi.

“O‘ztemiryo‘lnazorat” inspeksiyasi
Axborot xizmati