Inspeksiya xodimlari taqdirlandi

Bugun “O‘ztemiryo‘lnazorat” inspeksiyasi tashkil topganining 21 yilligi hamda Navro‘z bayrami munosabati bilan bir guruh xodimlar rahbariyat tomonidan taqdirlandi. Uzoq yillar davomida yuksak kasb mahoratini namoyish etayotgan, temir yo‘l transportida harakat xavfsizligini taʼminlash, qonunbuzilish hollarini oldini olish va ushbu soha rivojiga salmoqli hissa qo‘shib, alohida namuna ko‘rsatgan xodimlarga faxriy yorliqlar topshirildi.

Inspeksiya rahbari qo‘lidan faxriy yorliqni qabul qilib olganlardan Komil Ismoilov uchun bugun qo‘shaloq bayram. Tajribali yurist bugun 60 yoshni qarshi oldi. Uzoq yillar davomida turli darajadagi davlat idoralarida samarali mehnat qilgan K.Ismailov yoshlarga tajribasini baham ko‘rib, ularning kamolotga yetishida, soha sir asrorlarini chuqur o‘zlashtirishlarida amaliy yordam berib kelyaptilar.

Kuni-kecha Samarqand safaridan qaytib kelgan va bugun rahbariyatning navbatdagi eʼtirofiga sazovor bo‘lgan inspeksiya xodimlari uchun mazkur rag‘batlantirishlar sharaf va masʼuliyatni birday his qilish imkoni demakdir.  

“O‘ztemiryo‘lnazorat” inspeksiyasi
Axborot xizmati