Яхши дам - меҳнатга ҳамдам

Транспорт вазирлиги Бирлашган касаба уюшма қўмитаси ҳамда Транспорт назорати инспекцияси билан ҳамкорликда инспекция ходимлари учун Тошкент вилояти Бўстонлиқ туманидаги «Шафран» дам олиш масканига уч кунлик саёҳат ташкил этилди.

Ўзбекистон Республикаси давлат мустақиллигининг ўттиз уч йиллигига бағишлаб, «Бир бўлсак — ягона халқмиз, бирлашсак — Ватанмиз!» деган бош ғояни ўзида мужассам этган тадбирлар доирасида инспекция ходимлари ўз имкониятларини бир нечта йўналишда синовдан ўтказишди.

Очиқ табиат ён бағридаги ҳуддуда ташкил этилган спорт мусобақалари қизиқарли шу билан бирга муросасиз баҳсларга бой кечди. Беллашувларда эркаклар билан тенгма-тенг ҳаракат қилган аёл ходимларни ҳам алоҳида эътироф этиш лозим.

Инспекция ходимлари спорт мусобақалари билан биргаликда интеллектуал ўйинларида ҳам фаол иштирок этишди. «Заковат» ўйинларида қатнашган жамоалар мантиқий саволларга тезкорлик билан жавоб бериб, бу борада ҳам қобилиятларини намойиш этишди. Якунда Марказий аппарат жамоаси ғолибликни қўлга киритди. Фахрли иккинчи ўрин Темир йўл транспортида назорат жамоасига насиб этди. «Йўлчилар» ва «автомобилчилар» кейинги ўринларни банд этишди. Ғолиб ва совриндорларга эсдалик совғалари топширилди.

Транспорт назорати инспекцияси
Ахборот хизмати