Транспорт назорати инспекцияси ташкил этилганига бир йил тўлди

Транспорт назорати инспекцияси ташкил этилганлигининг бир йиллиги муносабати билан бугун тантанали тадбир ташкил этилди.

Тадбирда вазирлик марказий раҳбарияти, Транспорт назорати инспекцияси ҳузуридаги жамоатчилик кенгаши аъзолари, инспекциянинг марказий аппарати ва барча йўналишлар бўйича ҳудудий бўлим ходимлари иштирок этишди.

Транспорт вазирнинг биринчи ўринбосари Маманбий Омаров тадбир аввалида вазир I.Maxkamovning байрам табригини ўқиб эшиттирди.

Эслатиб ўтамиз, Ўзбекистон Республикаси Президентининг 2023 йил 14 июндаги “Маъмурий ислоҳотлар доирасида транспорт соҳасида давлат бошқарувини самарали ташкил қилиш чора-тадбирлари тўғрисида”ги ПФ-94 сон фармони билан Транспорт назорати инспекцияси ташкил этилган.

Транспорт назорати инспекцияси
Ахборот хизмати