ТАКЛИФ

Очиқлик, шаффофлик ва жамоатчилик олдида ҳисобдорликни таъминлаш борасида таклиф

Транспорт назорати инспекцияси томонидан ташкилотнинг очиқлик ва шаффофликни таъминлаш йўлида олиб борилаётган фаолияти юзасидан амалга ошираётган ишлари ҳисоботи Жамоатчилик кенгаши йиғилишида муҳокама қилинди.

Инспекция ўз ишини очиқликка асослантирган ҳолда олиб бораётгани, жорий йилнинг ўтган вақти давомида 2 та пресс-тадбир (матбуот анжумани ва брифинг) ўтказилгани, очиқ мулоқот ва соҳага оид кўрсатувларда мунтазам қатнашаётгани ижобий ҳолат сифатида баҳоланди.

Инспекция очиқлик ва шаффофликни таъминлаш фаолиятини янада такомиллаштириш мақсадида очиқ мулоқотлар, пресс-тадбирлар (матбуот анжумани, брифинг, пресс-тур)ларни вилоятларда ҳам ташкил этилиши мақсадга мувофиқ. Бу ўз навбатида ҳудудий бўлимлар ишини янги босқичга олиб чиқиш, раҳбарларнинг ОАВ билан доимий мулоқотини самарали йўлга қўйиш, раҳбарлар масъулиятни оширишга замин яратади.

 

Коррупцияга қарши курашиш ва давлат органи фаолиятини такомиллаштириш борасида таклиф

Транспорт назорати инспекцияси томонидан “9 декабрь - Халқаро коррупцияга қарши курашиш куни” муносабати билан ташкил этилган очиқ эшиклар куни тадбири доирасида инспекцияда Коррупцияга қарши курашиш соҳасида амалга оширилган ишлар эшитилди.

Қабул қилинган меъёрий ҳужжатлар, ўтказилган семинар-тренинглар, малака ошириш курслари орқали тизимни коррупциядан холи қилиш мақсад қилингани таъкидланди.

Ходимларга тарғибот ишлари олиб борилишининг ижобий самараси сифатида Автомобиль ва сув транспортида назорат Навоий вилояти етакчи инспектори томонидан жорий йилнинг ноябрь-декабрь ойларида 2 марта пора таклиф қилган ҳайдовчиларнинг ўзига нисбатан Жиноят кодексининг тегишли моддаси билан жиноий иш очилганлиги билдирилди.

Жамоатчилик кенгаши вакиллари инспекцияда коррупцияга қарши курашиш борасидаги ишларни ижобий баҳоланди.

Амалга оширилаётган ишларни давом эттирган ҳолда, 2025 йилда назорат тадбирларида коррупциянинг олдини олиш, шаффофликни ошириш ҳамда инсон омилини камайтириш мақасдида қуйдаги ишларни амалга ошириш тавсия этилади:

- Рейд тадбирларига жалб этиладиган ходимларни кузатув камераси (бодй camera) билан таминлаш;

- Коррупцияга қарши курашиш доирасида амлага оширилаётган семинар, очиқ мулоқот ва бошқа тадбирлар юзасидан расмий сайт ва ижтимоий тармоқаларда хабар ва янгиликлар жойлаштириб бориш.

- Тизимни рақамлаштириш борасида олиб борилаётган ишларни такомиллаштириш.