Темир йўл узели ходимлари иштирокида семинар

Транспорт назорат инспексияси Қашқадарё вилояти темир йўл транспортида назорат ҳудудий бўлими бош инспекторлари томонидан Қарши станциясида жойлашган темир йўл кесишмасида Қарши минтақавий темир йўл узели ишчи-ходимлари иштирокида амалий семинар машғулоти ўтказилди.

Тадбирда жорий йилнинг 9 ойи давомида темир йўл ҳудудида ва темир йўл кесишмаларида содир этилган бахтсиз ҳодисалар юзасидан батафсил маълумот берилди. Ҳар бир ҳолат таҳлил қилинди. Шошма-шошарлик ортидан юзага келиши мумкин бўлган фожиаларга йўл қўймаслик учун қоидаларга қатъий амал қилиш ҳамда кесишмаларда қурилма ва ускуналарнинг соз ҳолда ишлашини таъминлаш лозимлиги тушунтирилди.

Қашқадарё вилояти
темир йўл транспортида назорат 
ҳудудий бўлими